اویکیاشری اسکالرشپ کا اسٹیٹس کیسے چیک کریں اور پیسے کب آئیں گے؟ (Aikyashree Status Check)

اسکولوں اور سرکاری مدرسوں کے طلبہ و طالبات Aikyashree کے اسٹیٹس کو لے کر کافی پریشان ہیں، اس مضمون میں آپ کو مکمل رہنمائی مل جائے گی ان شاء اللہ 

👉 इस जानकारी को हिंदी में पढ़ने के लिए [यहाँ क्लिक करें

مغربی بنگال کے اقلیتی طلبا و طالبات (مسلم، عیسائی، سکھ، بودھ، پارسی اور جین) کے لیے حکومت کی جانب سے چلائی جانے والی اویکیاشری اسکالرشپ (Aikyashree Scholarship) ایک انتہائی اہم تعلیمی اسکیم ہے۔ اس اسکیم کے تحت ہر سال اسکول، کالج اور یونیورسٹی کے لاکھوں طلبہ کو تعلیمی اخراجات کے لیے مالی مدد دی جاتی ہے۔

اگر آپ نے اس اسکالرشپ کے لیے نیا فارم بھرا تھا یا تجدید (Renewal) کروائی تھی اور جاننا چاہتے ہیں کہ درخواست کیسی ہے اور رقم کب تک بینک اکاؤنٹ میں آئے گی، تو اس کا طریقہ درج ذیل ہے۔

اسٹیٹس چیک کرنے کے لیے کن چیزوں کی ضرورت ہوگی؟

اویکیاشری پورٹل پر اپنی درخواست کی جانچ کے لیے درج ذیل تفصیلات اپنے پاس رکھیں:

1. Application ID (درخواست جمع کرنے کے بعد ملا ہوا رجسٹریشن نمبر)

2. ضلع (District) کا نام (جہاں آپ کا اسکول یا کالج موجود ہے)

3. رجسٹرڈ موبائل نمبر یا تاریخِ پیدائش (Date of Birth)

اویکیاشری اسکالرشپ اسٹیٹس چیک کرنے کا مرحلہ وار طریقہ

1. پورٹل پر جائیں: سب سے پہلے مغربی بنگال مائنارٹیز ڈیولپمنٹ اینڈ فنانس کارپوریشن کے آفیشل پورٹل (wbmdfcscholarship.in) پر جائیں۔

2. Track Application: ہوم پیج پر موجود "Track Application" کے آپشن پر کلک کریں۔

3. ضلع کا انتخاب: جس ضلع میں آپ کا تعلیمی ادارہ واقع ہے، اس ضلع کو سلیکٹ کریں اور اوکے کریں۔

4. معلومات درج کریں:

 سال منتخب کریں (مثلاً جاری تعلیمی سال)۔

 اپنی Application ID لکھیں۔

 تاریخِ پیدائش (DOB) درج کریں۔

 اسکرین پر نظر آنے والا کیپچا (Captcha Code) باکس میں بھریں۔

5. سبمٹ کریں: تمام تفصیلات لکھنے کے بعد Submit پر کلک کریں۔ آپ کی درخواست کا مکمل ریکارڈ اسکرین پر ظاہر ہو جائے گا۔

Aikyashree Scholarship Status Check Kaise Kare: Step-by-Step Guide

درخواست کے مختلف اسٹیٹس کا کیا مطلب ہے؟

 Defective Application: اگر یہ لکھا آئے تو اس کا مطلب ہے فارم میں کوئی غلطی ہے (مثلاً مارک شیٹ یا بینک پاس بک واضح نہیں)۔ فوری طور پر اسکول یا ادارے سے رابطہ کر کے اسے درست کروائیں۔

 Verified by Institute: آپ کے اسکول یا کالج نے آپ کی دستاویزات چیک کر کے آگے بھیج دی ہیں۔

 Verified by District (DO): ضلع کے اقلیتی دفتر کی جانب سے منظوری مل چکی ہے۔

 Awaiting for Lot Generation: اس کا مطلب ہے تمام تصدیق مکمل ہو چکی ہے، حکومت جلد ہی ادائیگی کی لسٹ (Lot) تیار کرے گی۔

 Payment Disbursed / Success: رقم ٹریژری سے آپ کے بینک اکاؤنٹ میں منتقل کر دی گئی ہے۔

اویکیاشری کے پیسے کب تک بینک اکاؤنٹ میں آئیں گے؟

عام طور پر درخواست کی تصدیق تین سطحوں پر ہوتی ہے: اسکول سطح، ضلع سطح، اور ریاستی سطح۔ جب یہ تینوں تصدیق مکمل ہو جاتی ہیں تو حکومت کی جانب سے مرحلہ وار فنڈز جاری کیے جاتے ہیں۔

اگر آپ کا بینک اکاؤنٹ آدھار کارڈ سے لنک (Aadhaar Seeding / NPCI Mapping) ہے اور اکاؤنٹ ایکٹو ہے، تو Lot Generation ہونے کے بعد 7 سے 15 دنوں کے اندر رقم آپ کے کھاتے میں کریڈٹ ہو جاتی ہے۔ اگر بینک کھاتے کا اسٹیٹس غلط ہو تو رقم رک سکتی ہے، اس لیے اپنے بینک میں جا کر ڈی بی ٹی (DBT) لازمی فعال رکھیں