باریک لنگی یا باریک دوپٹہ پہن کر نماز ہوگی یا نہیں، ٹرانسپیرنٹ کپڑوں میں نماز پڑھنے کا حکم

سوال:

باریک لنگی یا باریک دوپٹہ پہن کر نماز ہوگی یا نہیں؟

بسم اللّٰہ الرحمن الرحیم

الجواب:

اتنا باریک کپڑا جس سے بدن کے اعضاء ظاہر ہوں اس سے نماز پڑھنا جائز نہیں۔

جیسا کہ بحر الرائق میں ہے:

"وحد الستر ان لا یری ما تحتہ حتی لو سترھا بثوب رقیق یصف ما تحتہ لا یجوز۔"(البحر الرائق ، کتاب الصلاۃ ، ج : 1 ، ص : 467 ، دار الکتب العلمیۃ بیروت)

فتاویٰ عالمگیری میں ہے:

"والثوب الرقیق الذی یصف ما تحتہ لا تجوز الصلاۃ فیہ کذا فی التبیین۔"(فتاویٰ عالمگیری ، کتاب الصلاۃ ، ج : 1 ، ص : 58 ، دار الکتب العلمیۃ بیروت)

رد المحتار میں ہے:

(وعادم ساتر) لا یصف ما تحتہ! بأن لا یری منہ لون البشرۃ۔"

(رد المحتار ، کتاب الصلاۃ ، ج : 2 ، ص : 84 ، دار الکتب العلمیۃ بیروت)

اسی طرح بہار شریعت ، ج : 1 ، ص : 480 میں ہے۔

و اللَٰہ تعالیٰ اعلم

از قلم: محمد صابر رضا اشرفی علائی

رسرچ اسکالر: مخدوم اشرف مشن پنڈوہ شریف مالدہ بنگال